الدوره التانيه من الابندواى غامض

اهلا بيكم فى الموسم التانى من الابندوى غامض
بما ان محدش قد يوصلى الموسم الاول
وتقريبا محدش حيعرف يوصلى الموسم التانى كمان
يلا بينا
انا معاكم من السبت الى الخميس
بباىى

الابندواى حبيبى كنت فين يامان من زمان
واحشنى
يلا بينا نبدا الموسم التانى بتاعنا

حمد لله عالسلامة ..
مبدأيا .. هو المفروض ان الاعضاء بيقولو اسئلة الاجابة بتكون عليها باه او لا ..
فا انا هسأل سؤال او اتنين فى الاول بس .....
انت ولد ؟؟
بتدرس ؟؟
مشاركاتك اكتر من 200 ؟؟
مشرف ؟؟
هو المفروض الاسئلة مش تزيد عن 3 اسئلة بس احنا ممكن نحط سؤالين فى بعض ..
وميرسى جدا ومنتظر الرد ..

ايه ياعم كل الاسئله ديه
المفروض سوال واحد بس حتشاور معاه وحشوف
رده ايه

اهلا بالابندواى الجديد
ممكن يقولي او تقولي عيد ميلادك امتى

اهلا بالابنداوى التانى
سؤالى هو
سجلت فى المنتدى فى شهر كام؟

نورت يا الابنداوى
واهلا بيك فى الموسم التانى
عايزه اعرف منك بقى ايه اكتر قسم انت بتبحبه فى المنتدى
او اكتر قسم بتحب تشارك فيه؟

هو انا ممكن اشارك معاكو بس الصراحه انا لسه مش فاهمه اللعبه اوي

بس مادام الكل بيسال اسمحوالي اضيف سؤال

انت عرفت المنتدي منين؟؟؟؟؟

تقبلوا مشاركتي معكم

وكالعادة الألبنداوى الغامض مش بس غامض
لا ده كمان صامت لا يرد على أسئلة
والمطلوب من السادة الأعضاء إنهم ينجموا ويعرفوا

اللعبة بالشكل ده مش هتنفع نلغيها أحسن
المفروض إن فيه أسئلة بيترد عليها بصراحة
عشان الناس تقدرتستنتج مين هو صاحب اللقب

ونحن فى إنتظار رد العميل السرى على أسئلة الأعضاء

احم احم
سورى على التاخير
بس المهم انا جيت اهو
اولا : انا ولد ولا بنت تقريبا احنا فى زمن المساواه اللى الناس كلها بتطالب بيها .
ثانيا : المشاركات : ذادت قلت المهم انا بحب المنتدى ده اوى اوى اوى .
ثالثا: اكيد انا بدرس مش بفك الحظ
رابعا: عيد ميلادى يوم ما اتعرفت على المنتدى
خامسا : سجلت فى المنتدى فى شهر من شهور السنه
سادسا : الاقسام كلها بتحبنى وانا بحبها
سابعا : عرفت المنتدى من على النت ايه الذكاء ده
ثامنا : انا محدش زعقلى كده قبل كده ماشى ماشى
تاسعا : انت ياعم العبقرى انت هو سوال واحد مش كل ديه اساله سامع
عاشرا وده الاهم : انا عامض بس مش صامت وبعدين هو فين سوال يا مونى
*

كتبت الرد دا وفاضل على القطر خمس دقايق لانى مسافر بس كان لازم اكتب الرد ..
انا منسحب من اللعبة دى لانها اصلا مش ليها قوانين ...
المفروض ان كل واحد ليه 3 اسئلة والاجابة تكون باه او لا ...
بس انا شايف ان كل الاجابات اللى انت جاوبتها مش اجابات اصلا ...
ولان الواحد جديد فى المنتدى فا مش هيقدر يعرف اللى بيكتب من اسلوبه ..
يعنى واحد زى حالاتى مش يعرف كل الاعضاء واسلوبهم يبئا انا المفروض انى اعرف من اجاباتك ولان اجاباتك مش واضحة اصلا او زى مانا قولت مش اجابات ... يبئا المفروض عليا انى اعرف بالخط او باى طريقة تانية ؟؟
يا ريت يكون اسلوب اللعبة كده هو 3 اسئلة والاجابة بأه او لا ...
وشكرا .. انا منسحب واشوفكم بعد ما ارجع من السفر عشان القطر طلع ...

وأنا معاك فى رأيك اللعبة من غير قوانين
وبعدين يا غامض انت عايزنى اسأل ليه هو يعنى انت اصلا جاوبت على أسئلة الناس التانية
عشان أسأل أنا
رجاء ياأدمن تغير نظام اللعبة وتحطلها قوانين والغامض يرد على الاسئلة
أو إنك تلغيها أفضل

الله ينورعلى كل من عارض نظام اللعبة
لان الاسلوب دة مينفعش قولنا المرة اللى فاتت
كان فيها قصور بس محدش اخد بالة من الكلام
تقريبا الناس المشرفة على اللعبة بتلعبها من طرف واحد

النظام ده مش هينفع
لازم اللعبه تكون ليها شروط ملزمه على الابنداوى الغامض علشان يجاوب علينا بصراحه

انا لما قولت رأيى قولت اكيد كله هيعارضنى لان المعروف عنى انى تقريبا دايما معارض ..
بس مش كنت متخيل ان الردود هتكون كده ..
انا قولت لما ارجع من السفر هتكونو طردتونى من المنتدى اصلا ..
يا ريت يا ادمن تشوفلنا موضوع اللعبة دى...

معاكوا حق يا جماعة
احنا كده الاسئلة اللى بنسألها مالهاش لازمة
لان مش بيتجاوب عليها
و كمان المفروض ان لما بنعمل لعبة جديدة بتبقي عشان تكسر الملل
لكن بصراحة اللعبة كده بقت مملة جدا
يعنى بدل ما تكسر الملل بتزوده

صلوا علي النبي يا جماعة
اللي انتوا بتعملوه ده كله ملوش لزمة
لان اللعبة لازم تكون بقوانين
و اعتقد ان دي مش اول مرة تلعبوها
و الاجابات يا عم الالبنداوي انت بتكون بصراحة و فكك من شغل حلق حوش ده
عيب ده احنا في بيت واحد (المنتدي يعني)