مكتبة اسمار ميزو العجيب

والله يا جماعة فكرت نعمل حاجة متميزة لمنتدى الجوالة قولت نعمل مكتبة للاسمار
اه نعمل مكتبة للاسمار ونحط فيها كل اغانينا واغانى الجامعة والازجال المشهورة
بدل ما بنكتب اغنية او حتة زجل زى دندنة
فى كل منتدى شوية لا نجمع افكارنا فى مكان واحد بحيث لما نحب نرجع لسمر معين تلقيه فى مكانة
وياريت كلة يشارك معايا عشان نملى المكتبة دى بالاسمار والاغانى الجميلة
واول اغنية حبيت تكون معانا هنا اغنية الهوى ال27 فاكرينها
تاليف ق / احمد فؤاد وتلحين سامح الجمل وتصميم القصة ق / محمد سعيد وغناء الصولو مؤمن كسفريت وانا كنت برقصها فى السمر ووقعت فيها.
هيا كانت بتقول ايه....................
اه كانت بتقول
حبيبى ليه بنخاف من الدنيا والملام ده عيونى فيك ضعاف وقلبى بينسى الكلام
يا احلى كلمة كتبتها بين سطور قلبى الحزين ووه وه وه
كل الامانى ملكتها قلبى تاه وسط السنين ووه وه وه
رغم الحنين يعود لقاكى تفوت سنين جرحى دواكى وانتى وانا حزن وهنا فرح ووداع
حبيبى ليه بنخاف من الدنيا والملام ده عيونى فيك ضعاف وقلبى بينسى الكلام
وقلبى بينسى الكلام وقلبى بينسى الكلام

مستنى مشاركاتكم انا عايز فى خلا اسبوع يكون الموضوع ده مليان بالاغانى والاسمار

اغنية الغروب بيحكى عنك وعنى بصوت عماد الصافى عندنا على المنتدى
واللينك اهوhttp://www.2shared.com/file/1692197/b2bb39a9/___alx.html

عارفين صيحة جمع اداب الكس بتاعة طلعت
كانت مسروقة من حلوان من صيحة كلية هندسة لو عايز تسمع الاغنية تعالى اللينك اهو
http://www.2shared.com/file/1989786/c31d58a8/__online.html

بعدك بغنى لعماد الصافى وبصوته حملها واسمعها
اهداء من القائد الصغير قوى الى قلبه الضخين قوى ق / شامى ( كتلتى الوحيدة )
واللينك اهوhttp://www.2shared.com/file/1881434/c249a55c/____ALX.html

الاغنيه دى كانت دخلة وفد ابوقير فى ال28 وانا بنهديها الى ق / محمد سعيد ( على بالى ) اللى بيحبها قوى والى الكتلة
والاغنية دى لحنها ذى لحن اغنية ليل بتاعتهم متختلفش عنها كتير
المرة دى الاغنية مكتوبة بس نوعدكم انى نجيبلها وهى مكتوبةمرة تانية

الاغنية اهى.........

[size=7]يانا و يا دنيا يانا احكى بامانه على قصه كانت فوق الارض
يانا ارواح جبانا و عقول سجانا عيشنها بلطول او بلعرض
ياها العقل مات و الذكريات تشهد علينا اه ضمن الاهات تكسر سكات و تعدى بينا
واللى بنتمناه والى زمان عشناه مش حنسيب احزنا فى ليله تسبق يوم خطوينا
الازمه............. يانا
حنقول و تسمعنا نقول الى يوجعنا نحلم بيوم الحق نصرخ نقول الاء

خفيفة ابو قير ( الهوى يعنى ) فى الدورة ال28 اللى كان بيغنيها جوهر

في يوم شوفتها جيت جنبها قربت منها وسالتها عمله ايه بعد البعاد لسه قلبك فى اشتياق لسه فكره كل ذكره بقيه لينا بعد البعاد
ولا عادى حب عادى لسه قدره على بعادى فاتت ليالى مانسيت ياغالى ولا لحظه غبت عن بالى
وحشتينى نفسى اقولها بس جرحى لسه مالينى صدقينى غصب عنى جوه منى بيزيد حنينى
مستنى لو لحظه حنان ترجع الماضى الى كان مهما تنسى ولا تاسى ميهونش يوم حب الزمان
نظره عنيها ردت اوام ولقيت اديها لمست اديه وقلتلى اسفه على اللى كان يا حبيبى عمرك ماتهون عليه
يا حبيبى بعدى كان غصب عنى وشوقى ليك باين فى عنيا ده انت اللى منى ده انت اللى ليه ولا غيرك انت هيحس بيا

الله ينور يا ميزو عالشغل الجامد ده
وطبعا مين ما يعرفش حبيبى ليه بنخاف
بجد انا بحب الاغنيه دى

الاغنية دى من كلية اداب بنها الوطنية بتاعتهم تاليف ق / محمد الطوخى
الاغنية اسمها :- بنادى على كل واحد فى مصر
والاغنية متسجلة باستوديو مع المزيكا يارب تعجبكم
اللينك بتاعها اهو
http://us.share.geocities.com/prof_shoman/bandy.mp3

اغنية الحياة جوالة لجامعة عين شمس
دى بقا بهديها الى القائد بتاعى الى علمنى الكشفى ق / محمد سعيد
والى القائد المعتزل ق/احمد مجدى ( نور ) وياريت تسمعوها منه فى الكلية وهو بيغنيها
الغنية اللينك بتاعها اهو
C:\Program Files\Internet Download Manager\Downloads\Music\__online.htm

الاغنية دى من كلية اداب بنها الوطنية بتاعتهم تاليف ق / محمد الطوخى
الاغنية اسمها :- بنادى على كل واحد فى مصر
والاغنية متسجلة باستوديو مع المزيكا يارب تعجبكم
اللينك بتاعها اهو
http://us.share.geocities.com/prof_shoman/bandy.mp3

صيحة التربو فى المئوية ممكن نحطها هنا بعد اذن الشامى
ونضحك على الطا طا طاطا مع الكتلة

http://www.4shared.com/file/19026321/101427c9/___.html

شكرا على المرور يا ماجد بس انا عايز المرور يكون باغنية
يعنى متجيش فاضى تعالى ومعاك حاجة حتى ولو لازمة صغيرة او مفتاح صقفة

هو انا حنشتغل لوحدى ولا ايه
ده موضوع واحد محروق ولا ايه
بس مش مشكلة دى حفلة الكشافة المصرية بمناسبة المئوية
بس مفيش احلى من الطاطا
الينك اهو

http://scouting4peace.ning.com/video/video...6369:Video:2987

زجل تجارة الكس فى الدروة الكشفية ال28
( شوف اليهود بيقولو ايه )
الــســاحــــر
( الداخلة )
الساحر :أنا ساحر جنى وأصلانى أستاذ فى السحر الجوانى والبرانى وجميع أصحابى وخلانى يعرفوا انى ساحر جنى مش أى كلام أصل انا علام وفى ايدى جراب وكلامى عجاب
م 1 : لفاف جوال سماع قوال وارمى بياضك شخشخ بالمال
الساحر : دلنى على اسمك والعنوان
م2 : حطه فى ورقة وارميه فى الكاس واقفل على سرك مية ترباس واخفيه عن كل الناس
الساحر : وفى ايدى الكاس حيفيض ويسيح
م1 : يخرج من قلب الكاس تماسيح وتزيد وتفيض تولد وتبيض كتاكيت بتصيح
وديوك بتأدن فوق العش والسما بترش
الساحر : والسـمـا بترش حمام طيــــــار ويقوللى على كـل الاســرار
ويرفرف عصفورى الزاجـــل ويـحـل مشـــاكـل ومشــاكـل
وانا انادى فى عصفورى تعالى وارميلى حلولـك فى رسـالة أغلى من الماس ارميها ياطير تسقط فى الكاس ويبان السر وانا اسيبك تصيح طايرحـر
مش حصطادك قرب يا حزين وارمى بياضك والقول للكل لو عندك كربة انا عندى الحل
أنا عندى الحل من الاخر اصل انا ساحر
( التعارف )
ع : أيها السادة أعضاء المجلس الان نذيع عليكم خطاب السيد رئيس الولايات المصطنعة البوليتيكية
الرئيس : صحيح احــنا دولــة قويــة وغـنـية صحيح ايدنا طايلـة تعدى الحـدود
صحيح جيشنا قادر يحـــل القـضية صحيح قولنا ساير فى كل الوجود
لكن نافصة حاجة ونفسى اقولـهـــا كـما الغـيـم بعيــدة وبـحـلم اطـولها
برغم امـتـلاكنا برغم اشـتـراكــــنا فى ارساء نظـامنا وحسن الادارة
فى ناس قالوا عنا ضعيفة جذورنـا ومعدوم تاريخنا ومالناش حضارة
وقررت أبحث عن الاصل فينا فى بحر المعارف وجوة السفينة ومالقيتش حاجة
ودورت تانى ومالـقـيتــش شــىء فى بحر التاريخ الغريق العتـيق
حضارة فى فارس وكنعان وطيبة ورودس وتونس وروما الحبيبة
لكن احنا فين
وقررت أخلع جدور الحضارة فى كل البلاد و بالتالى نقدر بـقـوة حاضرنا نسود العــبــاد حنحمى التاريخ فى كل البلاد العتيدة العنيـدة
ونكتب تاريخنا تاريخ الحضارة الجديدة المجـدة
ع1 : ودى المشكلة لان التاريخ عمره مايتمسح مفيش حد غيرنا فى ذلك نجح
ع2 : بمن نستعين ومين راح يعين ومين اللى يقدر يزيح المواجع
الساحر: أنا وحدى أقدر أبدل وأغير فى كل الخرايط وكل المراجع
ودة لأنى ساحر مفكر وقادر أغير عقائد وأبدل ضماير
لكن فين حنبدأ
الرئيس : فى كنعان أكيد
( )


الساحر : وقبل اما نبدأ عايزكم تفوقوا وتصحوا معايا ولابد أعرف جميع المعالم وكل الخفايا
ودة لان سحرى دة شرحه يطول دة مش سحر عادى دة سحر العقول
ع1 : حنبدأ بدولة بساحل فينيقيا وليها حضارة وماضى عظيم
عبر ليها موسى وكات مهد عيسى ومر بحدودها النبى ابراهيم
ع2 : عبر ليها داوود قتل فيها يحيى وتلقى أثارها على كل ناحية
الساحر: عشان تدخلوها لازم نستعين بجنس نمرودى خاين لعين
م1 : ونغزل غناوى ونعمل حكاوى عن المحرقة والغريب اللى عاد
من الظلم راجع لأرض الميعاد
الساحر : ولو حد حاول يشوش عليا تقولوا أنانى عدو السامية
الرئيس : لكن القضية لها بعد دينى مطول عذابى مزود انينى
تاريخهم حيفضل مادام يبقى أقصى ويفضل تاريخهم مفيش حد ينسى
الساحر : مفيش برضه مشكل حنرسم حكاية تدور حول هيكل يكون البداية
ونهدم جامعهم ندمر واقعهم ونمحى التراث
المجموعة : حنقدر عليهم ونقتل ماضيهم ويصبح ميراث
( )
ع1 : أقررنا بسحرك وبأنك لك رأى سديد ولذلك جينا بنطلب منك بالتحديد
ان انت تعيننا على دولة وتاريخها قديم وتاريخها الحاضر رغم بساطتهلكنه عظيم
ع2 : تلقاها فى عصر الفرس كما الملكة فى تياب العرس
وفى صدر الاسلام تلاقيها أرض الانواروتعود تلاقيها جريحة فى عصر مغول وتتار
وبرغم الواقع فيها تحوطه صعاب من جدب ونضب وارض ماليها جبال وهضاب
الرئيس : لكن بيزيد الحقد ان رجالها كما اسود فى عرين بتزود بصمود وبتقدر عللى ماكنا عليه قادرين
الفارس فيهم بحصانه كما جيش جرار وفى قلبه عزيمة بتتحدى كل الاسوار
ع1 : واللى غايظنا ازاى فى زمان القوة وتتساوى حوالينا الروس
وازاى مانخافش يذلونا كما ذلو اخواننا الروس
ع2 : طبعا خايفين وبرغم الخوف فيهم طامعين
الساحر : ياأخوانى الحل بسيط دة لانى بأموركوا محيط
م 2 : العرض حيبدأ يا اخواننا طفوا الانوار الفيلم حيبدأ وحنبدأ بيه المشوار
الساحر : حيمثل فيه الظالم يا حبايبى دور المظلوم والسيد الحاكم راح يلعب دور المحكوم
م 1 : فى بداية الفيلم
الظالم يدخل واقف على رجله فى زمان العرج يدخل يتباهى بعظمته وبشموخ البرج
الساحر : وفى لحظة بسحرى العصفورة تظهر فى الكادر وفى الصورة
وتصول وتجول وتطير على طول تدخل فى البرج بسحرى يزول
م1 : والعصفورة تطير وتروح والظالم يبكى وينوح
وجميع الظلمة يصيروا كلاب حوالين الظالم يتلفوا
وتلاقى القمر الطالع غاب ويعودوا الوطاويط يتخفوا
الساحر : وفى هذى اللحظة التاريخية نرفع راية للحرية
ونسير جيش ونلم الجهلة والدراويش يمشوا معانا يهتفوا لينا
م1 : وطاويطنا فوقنا تغطينا
وكلابنا تنبح وتنبح وتنادى تعالب وديابة
الرئيس وع1-2 : ونحارب بايدين اعادينا حريتنا شرع الغابة
حريتنا شرع الغابة
( )
الرئيس : وبعد النجـــاح الســـريع المـريع ومية الف خـطـوة مـعا للأمــام
نــقــــر بأنــك سـاحر هـــــمــام نقر بعظمتك فى سحر الكــلام
ع1 : ومجلسـنا قرر تكون مسـتشـار وفكرك حيعرض على الوافدين
الرئيس : ونطمع تعيننا على الانتشــــار فى جولـة حتــبدأمن الرافـديـن
ومن بعد صـيـدا وحـيـفا ويافـا حنرسى نظامنا فى نبع الخلافة
كتير دار بخلدى أشوفك يابصرة وأشفى غليلى واملاكى حسرة
ع2 : وبتجينى طوفة وانا فى المنام أشوفك ياكـوفـة وفــوقـك لجام
وبالقانى دايسك وباضرب بسوطى وباطحن فوارسك وبازعق بصوتى
الرئيس : وباسحق تاريخك وباصبح شجاع وافوت فيكى نقصى واشوف جبنى ضاع
ع1 : تقول ايه يا ساحر وفيك انت املى وامرى بايدك تقرر وتملى

الساحر : بواقع دراستى لفيض علم واسع لقيت الصنايع اساسها الطبايع
ورغم ان حلمك فى ارض الحضارة كساه كتر خوفك وزاده مرارة
أنا عندى طلبك وعندى البشارة
ودة لانى لانى لامح كتير من ملامح تخلى اليمامة كما الصقر جارح المجموعة على اجزاء :
على الارض دية تلاقى التضارب تلاقى عليها كتير من مواهب وتلقى اختلاف الملل والمذاهب
تلاقى الشجاع اللى مليان امانة وتلقى الخداع والدنس والخيانة
تلاقى الكرامة عظيمة ومصانة تلاقى الذلل والضياع والمهانة
الساحر : وجه وقت سحرى لكن عايزكم تلبولى مطلب من الارض دية تصيدولى ارنب
وانا انفخ فى وشه بسحرى العجيب وارسم بايدى على الارض ديب
واقرا فى ودنه عظيم الطلاسم ويصبح كما كنت فى الاصل راسم
م1 : وسحرك يزيد فيه يغير شعوره يبدل فى لونه وياكل جدوره حينفخ قى ريشه وياخده غروره
ونضحك لـديبنا ونجمع شتاته حبصبح صاحبنا وياكل خواته
الرئيس وع1-2 : ونضحك لديبنا ونجمع شتاته حبصبح صاحبنا وياكل خواته
الساحر : ويعطش ويعطش ويعطش ويعطش يصير سحرى نبع
ويشرب ويشرب ويشرب ويشرب يشوف نفسه سبع
وسحرى حيخلص تقوموا عليه
الرئيس : يعود تانى ارنب ونربط ايديه
الساحر : تتوه الفوارس ويخرج حصانى يدوس المدينة
الرئيس : ولو حد حاول يشوش علينا
الساحر : يضيع فى الزحام
وبما انى ساحر فى علم الكلام حقول ان ارنبكوا شد اللجام
وضيع حصانى ومرضاش يسيبه وتاه فى دياركم ولازم نجيبه
المجموعة ولازم نجيبه لازم نجيبه
الرئيس : ونرجع نصيده ودة أقل واجب عشان يبقى عبرة لكل الارانب
ونبدأنشهر بأصله وماضيه وحتى الارانب دى حتهيج عليه
ونطلع عليهم فى عيد الضحية نبارك نهنى نقدم هدية
الساحر : ونزرع غيطان الشجاعة بخوف وارنبكوا يصبح بسحرى خروف
( )
ع1 : يا مخاوى الجن يا ساحر جن وسحرك فن وجه وقته
ع2 : لو سحرك بالغ فى الاعجاب روح شوف لجرابك الف جراب
الرئيس : وسؤالك انا عندى اجابته انا عايز اهدم اصل الكون
اصل الحضارات ام المنارات انا عايز امحى تاريخ الانتصارات
ع1 : انا عايز سحرك يحرق سهم لاحمس صاب هكسوس
ويغرق مركب عدوا وهزموا بيها نيبال
ويطق شرار ويولع نار واعدى النيل وانا فوقه بدوس
ع2 : انا عايز اطير كما فى الاساطير ويطير الجيش الاعجوبة ونعدى من فوق النوبة
نكسر رمسيس ويفر ويجرى يقول يا مغيث
ع1 : ونهد اسوار وندك بيوت واخنق بايديا حتشبسوت
ع2 : وتزيد النار واساعد بيها مغول وتتار ونقول للكل احنا معاكوا ارجع ولاتهرب يا هولاكو
ارجع منصور قوم عدى السور
ع1 : رايح على فين خايف من مين اهو مات بالسم صلاح الدين مع انه طبيب
ع2 : ومسحت بايدى تاريخ حطين والشمس تغيب
احلم واحلم ونعدى البحر وتزيد القوة بفضل السحر
الرئيس : ونحضر جان عفريت فنان ويطيع الامر يساعدنا ونقدر نغلب عمرو
ونلاقى خلاص فين سحر ايمانك يابن العاص
ع1 : ويدور الوقت ويزيد العون ونساعد اخونا نابليون

الرئيس : عفاريتنا تزيد ونيراننا تقيد واحمرى يا عين حنساعد اخواننا الملاعين
ونخطى الخطوة المحسوبة تتحقق بيها الاكذوبة
وبحد السيف حنقوى الزيف وتعود لعظمتك يابارليف
الرئيس ع1-ع2 : تقدر ياهمام ولاانت سحرك اى كلام
الساحر : هههه بالطبع اقدر بالطبع اقدر على ام الدنيا ام التوب الاخضر
الصبر عليا يا مستمعين نحن الملاعين داخلين داخلين
داخلين بالحنجل والمنجل ببخورنا الجاوى وبالمندل داخليت بالزار قايدين النار
داخلين بلاجيش داخلين بالساحر والدراويش داخلين لبلدكوانقول دستور
دستور دستور
( )
دستور دستور ياسيادنا وياسيادنا مليون دستور دستور يامعونة ياملعونة دستور عالقمح وعالشونة
دستور وعيونى المحزونة بتقول دستور
دستور عالقطن وعالكستور دستور دستور دستور والتوب بقى ورقة توت
لو تسقط ينكشف المستور دستور دستور
دستور حنحارب بالكتاكيت وبدال النووى نجيب نبابيت دستور ارانبنا بقت خراتيت
اكلت سمنت واتقلب الظبى الحساس تور دستور دستور
دستور وسلام للورقة وللكراريس دستور ياطبيب ياملوث دمى فى قلب الكيس
دستور وبدال الكاب ليكم قراطيس وهدية على القرطاس طرطور دستور دستور
دستور بفلوسكم وفلوسى يامربى عيالى ياخصوصى يامخرم جيبى بدبوسى
ومعلقنى امام الحنطور دستور دستور
دستور للمجلس والهيئة والناس المبسوطة الرايقة والناس الخنقة المتضايقة تخرج بالدور دستور دستور
دستور يابناتى ياستانى ولانقول هاى الرقص بقى الموضه السايدة والحشمة صبحت فى الباىباى
بالميكرو على البيتش حنركب بدل التورماى دستور دستور
دستور عالمعنى وعالكلمات دستور دستور دستور للعنب اللى اتغناله وللحنطور
دستور نتحطر فى سمرنا لكن بالدور دستور دستور
دستور حنسقف بايدينا دستور دستور دستور وحنلعب بدماغكوا وعلى الدستور
دستور واهى خلصت حدوتى لكن فى سطور
الساحر حيعيش وحيكبر وحيلعب بيننا ويتمخطر طول ماحنا ياناس مالناش دستور
دستور دستووووووووور

( الخارجة )

تم بحمد الله تعالى وتوفيقه

ازيك يا ميزو
منور الابندا ويارب تكون مبسوط مع المنتدى
الله ينور ع الشغل الجامد ده
بس انت اخدت موضوعي اللى كنت حنزل بيه
انا كنت حنزل بالزجل ده
بس انت سبقت لانه فعلا عجبنى جدااااااااااااااااااا
وانتظر منى مشاركاتىمع اغانى تراث للتربو

انا بقا حهديك هديه يا ميزو بس يارب تعجبك
هى اغنيه
7
7
7
ياريتك ماتنسانا
ودى اغنيه ع الايقاع النوبي وكانت من اجمل الاغانى
اللى بنغنيها في الروح والمظهر زمااااااااااااان بقا
المهم اليكم كلمات الاغنيه
ياريــــــــــــــتك ماتنسانا ....... وتنسي ذكرى لقانا
ويضيع في دربك هوانا......وينكسر له الشراااع
اللازمه
عشقت معاكوا زماااااانى .........عشقت طريقي مكانى
وتتوه معاك أحزاااااانى.............وتعيش أسير الضياع
اللازمه
ياليــــــــــــــــــــــل قلبي جريح .........ياليل عمرى ضريح
فرااااااااااااااقه والله الريح................ماباقي غير الوداااع
اللازمه

ايوخ
ميرسى قوى يا دينا على الاغنية دى فعلا انا بحبها كتير
وكنت مستنيها من الشامى بس هو مكبرلى دماغه وعامل مش من هنا
بس بجد ميرسى قوى يا دينا
ربنا يخليكى
عايزين نملا المكتبة بالاسمار

الاول حهنيك يا واد ع المشاركه الفعاله في المنتدي
ثانيا بقي انا مش مكبر دماغي ولا حاجه
انت عارف اني خدت معسكرين في بعض تعبوني جدا وحسبي الله ونعم الوكيل
ثالثا انت معاك دينا بقي خد منها بقي
عشان هي اللي هتكتب سمر السنه الجيه ان شاء الله
وعاوز اقول للكل انتوا وحشتوني جدا ووحشني المنتدي

سامعه صوت غنانا الدنيا لحننا مالي الوجود
جامعه للقلوب وفي ثانيه كل احلامنا تعود
جمعينا فرقينا بعتري فينا ولمي
وافردي شراع السفينه مدي شوق الخطوه يمي
مدي شوق الخطوه يمي """"""""مدي شوق الخطوه يمي
اللازمه
يا حبيبتي لما ضعتي تاه في بحر الكون غنايا
كنت فارس وانتي كنتي الاميره في الروايه
بس بعد رحال طويله """""""كترت الاحزان علينا
واختفي خط النهايه
يا اميره في الروايه"""""""" يا اميره في الروايه
اللازمه
الاغنيه دي من احب الاغاني ليا وتقريبا هي شاطبي في ال22
اي خدمه يا عم ميزو واخبار دوره الصداقه ايه

بجد يا شامى انت مشرفنى فى المكتبة
وميرسى قوى على المرور وعلى الاغنية اللى انا مش عارفها دى ما علينا .
اما عن اخبار الصداقة كلمت عمرو سعيد وبيقولى لسة مفيش اخبار عنها بس بياكد انها طالعة .ب انا اشك فى امر الصداقة السنة دى ما علينا .
اما بقى عن الورشة الفنية فعلا انا شرفتكم بمكرمياتى والسنة الجاية بزجاجى واركتى
ونكمل فى رشيد .ما علينا .
مستنى اغانيك فى المكتبة.

الاغنية دى اسمها ( منتيش بشر ) لجامعة حلوان
ودى وطنية بيغنيها للبلد بس اغنية جامدة
وبهديها للقائد بتاعى الغالى عليا ق / محمد سعيد عبد الموجود
وكتلتى الوحيدة ق / احمد منصور الشامى الدمنهورى
مطولش عليكوا اللينك اهو
http://www.2shared.com/file/1687315/9d56df61/__online.html

الله ينور يا شامى فعلا لغنيه جامده وانا بحبها فعلا هيه الشاطبى بس متهيالى دى 21 بس مش متاكد انها 22 لانها فى نفس روح اغانى ال 21 اللى فيها اغنيه السؤال لو تفتكرها كانت الداخله بتاعت الشاطبى 21وانا بعتبر السمر ده اعلى سمر نزل فى الجامعه لحد وقتنا محصلش جامد .
الله ينور يا ميزو

يا جماعة دى اغنية صيحة اداب ديمو 25 ( ليه بحبك ليه )
من الاغانى الجميلة ودى بصوت قادة اداب فى 25
ودى هدية منى للشامى عشان هو بيعز الاغنية دى
واى خدمة يا شامى
اللينك اهو
http://www.2shared.com/file/2198785/273df37/_online.html

اغنية تانية من سمر ال25 لقادة الاداب فى 25 وهى ( مش عارف نكتب اللازمة اسمعوها احسن )
واسمعوا صوت الزعيم القائد حبيب قلبى السيد ابو اسماعيل

اللينك اهو http://www.2shared.com/fadmin/2198785/309426ce/_online.mp3

عارف اللى هتقوله هو مفيش غير ال25 عند اداب ولا ايه
معلش يا جماعة اعذرونى انا معنديش ال26 وبصراحة هما دول احسن سمرين فى اداب

بس باذن الله هيكون فى اغانى للدورة الجاية وانتظروا الاداب فى شكلها الجديد

المهم الاغنية الجاية تعارف ال25 (دوف) واهو اللينك اهو

http://www.2shared.com/file/2198850/cceb12c8/_online.html